Fìos mu Meadhan na h-Alba

Chaidh Gleoc Stèisean St Enoch a thoirt do bhaile Comar nan Allt mar tiodhlac nuair a chaidh seann stèisean rèile St Enoch ann an Glaschu a leigeil. Bha e ann am Meadhan Baile Chomar nan Allt fad grunn bhliadhnaichean is mar phàirt den fhilm Gregory’s Girl agus an uair sin chaidh a chur an stòr nuair a chaidh am pàirt sin de mheadhan a’ bhaile a leigeil. Nuair a chuireadh crìoch air Ionad Bùthan Antonine mu ochd bliadhna air ais, thog iad an gleoc a-rithist.

Chaidh Taigh-adhlacaidh Hamaltan a thogail mar thuama is mar charragh do Alexander, 10mh Diùc Hamaltan, air raon Lùchairt Hamaltan, a tha niste leigte. Nuair a thèid doras a dhùnadh, bheir e 15 diog don fhuaim falbh às, rud a tha a’ ciallachadh gur ann aig an taigh-adhlacaidh àrd chloiche seo a tha fear de na mac-tallan is fhaide air an domhain.

Is e th’ ann an Cealpaidh ach each-uisge ann an uirgseul, agus stèidhich Anndra Scot an fheadhainn aigesan air na h-eich mhòra a b’ àbhaist a bhith cudromach ann an gnìomhachas ann am bailtean mòra na h-Alba. Chaidh deireadh an togail a chomharradh le tadhal o Dhiùc is o Bharan, eich Dhail Chluaidh air an deach na h-Eich-uisge seo a chumadh. Tha gach gin de na h-Eich-uisge suas ri 30 meatair a dh’àirde agus còrr is 300 tunna a chuideam.

Bha Summerlee air fear de na ionadan-iarainn a bu chudromaiche ann an Alba. Air fhosgladh ann an 1836, dhùin e an 1926. Tha e nis mar thaigh-tasgaidh air saoghal tionnsgalach na h-Alba agus anns an ionad tha an t-aon slighe-trama glèidhte ann an Alba.

Tha Ionad Uisge Dollan na thogalach clàraichte aig ìre A ann an Cille Bhrìde an Ear. Thogadh e an 1968 agus tha e air chumadh pùball mòr cruadhtain – tha mullach mòr crom air chumadh crùisle pharabolig aige, air a chumail sìos le paidhir de ghadan air chumadh V a thig sìos don talamh aig angal 30 ceum.

Comharraidhean-tìre sònraichte - Meadhan na h-Alba

Caisteal Bothwell; Na Cealpaidhean; Cuibhle na h-Eaglais Brice; Factaraidh Tunnocks; Gleoc St Enoch; Ionad Dualchais Siorrachd Lannraig a Tuath; Ionad Uisge Coia/Dollan; Kirk O’ Shotts; Pàirce Dhùthchail Shrath Chluaidh; Rathad-iarainn Bo’ness is Cheann Fhàil; Shotts Giant aig Crois Dykehead; Taigh a’ Bhaile, An t-Àrd-Ruigh; Taigh-adhlacaidh Hamaltan; Taigh-tasgaidh Summerlee